OS OBRADOIROS DE EXPERIMENTOS

Xa falamos aquí dalgún dos obradoiros que temos os venres no cole. Hoxe imos falar doutro deles, concretamente do "Obradoiro de experimentos" que coordina a profe Jackie. Nel aprendemos un montonazo de cousas de ciencias e facemos uns inventos chulísimos coas nosas propias mans, experimentando cos nosos propios medios e vendo que a ciencia está ao noso redor, ás veces sen que casi nos demos conta.

Nesta sesión aprendimos como é máis sinxelo para o noso cerebro lembrar por exemplo o nome das persoas se o asociamos a intereses, cualidades ou calquera tipo de referencia a el ou a ela.

Para iso creamos a nosa propia colección de personaxes aos que lle puxemos os nomes que preferimos.

Pegámolos en tarxetas en cartulinas de distintas cores de xeito que cada un/unha teña as súas propias e distintas as d@s demais.

Na parte de atrás da ficha incluimos algunha información relativa as aficións das personaxes inventadas...

Isto axudounos un montón a memorizar os seus nomes. O noso cerebro so tivo que asociar aficións e nomes e cousa foi moi doada!
Para comprobar que isto funcionaba puxémolo en práctica co resto de compañeir@s...

FOMOS VER UNHA OBRA MUSICAL

A música encántanos e este mes tivemos a sorte de poder asisitir a unha obra de teatro musical.
E aquí nos tedes tod@s led@s rumbo ao teatro!

Neste caso foi no edificio de A Fundación, en Pontevedra, e a obra contábanos a historia de "A bruxa discordia" ao tempo que mesturaba o acontecido coas músicas do disco Cancións para a paz de Mamá Cabra.

Pasámolo xenial fartamos de rir e de cantar xunto cos nenos e nenas de outros colexios que tamén foron con nós.

Aquí vos deixamos un resumo da obra e de todos os temazos que bailamos ata quedar agotad@s

Encantounos:)

CONTOS Á CARTA

Seguimos traballando dentro do programa "Escribir como lectores" da AELE (Asociación Española de Lectura e Escritura) no que estamos inscritos e co que estamos a  descubrir o libro "El oso que leía niños" de Gonzalo Moure. 

Nesta ocasión argallamos unha actividade moi interesante para que traballaran de xeito conxunto o alumnado de 1º de Educación Primaria co de 5º, de xeito que @s  pequen@s interactuaran cos/as grandes: os peques elexirían títulos para contos que os maiores lles escribirían, unha especie de contos á carta.

Nunha primeira fase da actividade, o alumando de 1ºEP encargouse de facer títulos de posibles contos que estaban por escribir, e que se parecían moito ós daquel libro tan interesante que estiveron a ler: El oso que leía niños.

Para inventar estes títulos fixeron un xogo moi divertido co que ampliaron o seu léxico e a súa imaxinación. A profe Pili deulles tres caixas nas que había animais, verbos e cousas respectivamente. 

 

Cada nen@ escolleu o animal que máis lle gustou, a acción que quería que fixese e a cousa á que se refería esa acción.

Así os resultados foron moi variados e varipintos, e deron uns títulos moi divertidos.

Unha vez escritos os títulos fixeron incluso as ilustración que representarían a ese contos que querían pedirlle aos seus/súas compañeir@s de 5º.

"El conejo que viajaba a los castillos"

"El búho que miraba casas"

"El hipopótamo que odiaba las tormentas"

"El gallo que regalaba radios"

"El ciervo que curaba árboles"

E dito e feito o alumnado de 5º co profe Luis púxose mans á obra e creou todo tipo de contos para tantas peticións como tiveron. Cando estiveron listos levouse a cabo un encontro na biblioteca e leron os contos escritos aos seus/súas "clientes/as".

Tod@s opinaron sobre se lles gustara o conto, se os personaxes eran como esperaban, pediron cambios, fixeron suxerencias e pasárono estupendamente con esas lecturas de contos á carta.

Xa está no forno a edición dun pequeno libro que recolle todas estas obras creadas en conxunto nesta experiencia marabillosa. En breve colgarémolo aquí, no blog do cole.

Bo traballo rapaces/as!

OUTRO ANO MÁIS DE CONTO VIAXEIRO

Nas derradeiras semanas de marzo entregamos o que foi o "Conto Viaxeiro" deste curso, unha iniciativa que pretende promocionar o uso do galego, ademais de crear un traballo cooperativo entre o alumnado dalgunhas escolas de Pontevedra.

Este ano, máis que un conto animáronos a facer algún traballo relacionado co tema "Petiscos de Agarimo". No noso cole participou parte do alumnado de Educación Infantil, ademais de 1º e 2º de Educación Primaria, aquí vos deixamos algunhas fotos dos nosos traballos.

1º de Educación Primaria

2º Educación Primaria

3 anos

4 anos

5 anos